دەزگای ئاسایشی هەرێم لە ناحیەی مەیدان دەستیگرت بەسەر
کارگەیەکی ماددەی هۆشبەر و چوار تۆمەتباری دەستگیرکرد.
دەزگای ئاسایشی هەرێم بڵاویکردەوە، هێزەکانی بەڕێوەبەرایەتی نەهێشتنی ماددە هۆشبەرەکان،
بەهەماهەنگی و ئاڵۆگۆڕی زانیاری هەواڵگری نێودەوڵەتی و وەزارەتی ناوخۆی حکومەتی عێراقی
فیدراڵ، توانیان پاش چاودێکردن و بەداواداچوونی ورد لە ناوچەیەکی سنوری ناحيەی
ميدان کارگەیەکی ماددەی هۆشبەر لەناوببەن.
لەسەر بنەمای زانیاری پێشوەخت ئەم ئۆپراسیۆنە ئەنجامداوە
ئەوەشی خستەڕوو، لەسەر بنەمای
زانیاری پێشوەخت ئەم ئۆپراسیۆنە ئەنجامداوە و توانرا چوار تۆمەتبار دەستگیربکرێت و
دەستبگرن بەسەر سەرجەم ئەو ئامێرانەی بۆ دروستکردنی ماددەی هۆشبەر بەکارهێنراون.
دەزگای ئاسایشی هەرێم، سوپاسی هاوکاری بەردەوامی هاوڵاتیان
دەکات و داواکارین لەکاتی بوونی هەر گومانێک پەیوەندی بەهێڵی گەرمی ژمارە 106 بکەن،
بەمەبەستی زیاتر پاراستنی سەرووماڵی هاوڵاتییان.