كۆمەڵێك خو هەن كە پێویستی گرنگ بۆ تەندروستی منداڵەكان و دەبێت دایك و باوكان رەچاویان بكەن و زیاتر گرنگیان پێبدەن.
سۆران سابر عوسمان، پزیشكی پسپۆڕی نەخۆشیەكانی منداڵان لە راگەیەندراوێكدا بڵاویكردەوە:" چەند خویەكی گرنگ هەن كە پێویستن بۆ تەندروستی منداڵان و پێویستە دایك و باوكان ئاگاداری بن".
ئەو خوانەش بریتین لە:-
- نوستنی باش و تەواو بەتایبەتی لەشەودا زۆر گرنگە بۆ هەموو تەمەنێك بەتایبەتی منداڵان، چونكە لە گەشەكردنی پەردەوام دان.
- چونە دەرەوە و یاری كردن و وەرزش زۆر گرنگە بۆ تەندروستی منداڵ و دەبێتە هۆی بنیاتنانی متمانە و چاڵاكی و بیركردنەوەی داهێنەرانە لە منداڵان.
كەم كردنەوەی شاشەكانی تیڤی و مۆبایل و ئایپاد
- كەم كردنەوەی شاشەكانی تیڤی و مۆبایل و ئایپاد، كاریگەریە خراپەكانی شاشەكان زۆر روون و ئاشكران لەسەر تەندروستی منداڵ بۆیە كەمكردنەوەیان زۆر گرنگە.
- خواردنی تەندروست و هاوسەنگ و شێواز و جۆری خواردنەكان كاریگەری راستەوخۆی هەیە لەسەر گەشە و تەندروستی منداڵان.
خوێندنەوە بەشێكی گرنگی تەندروستی مێشك و ژیریە
- خوێندنەوە بەشێكی گرنگی تەندروستی مێشك و ژیریە بۆیە زۆر گرنگە هانی منداڵان بدرێت لەسەر خوێندنەوەی رۆژانە و بەردەوام.
- پاك و خاوێنی (دەست شوشتن، خۆشوشتن، ددان شوشتن هتد) گرەنتی تەندروستیەكی باشترە بۆ منداڵان.
- گەشبینی و دڵخۆشی و خۆڕزگاركردن لە سترێس و باشی لە ڕووی دەروونیەوە كاریگەری زۆری هەیە لەسەر تەندروستی و گەشەی منداڵ.