Alternate Text

زۆرترین بینراو

Alternate Text

بڕیار له‌باره‌ی قه‌ده‌غه‌ی هاتوچۆ و كردنه‌وه‌ی مزگه‌وته‌كان ده‌درێت

کوردستان

بینراو 473

پێش 3 هەفتە

Alternate Text

ئەمڕۆ لیژنەی باڵای بەرەنگاربوونەوەی ڤایرۆسی کۆرۆنا بە سەرپەرشتی رێبەر ئەحمەد، وەزیری ناوخۆ و بە ئامادەبوونی سەرۆكی ژووری ئۆپەراسیۆنی پارێزگاکان و ئیدارە سەربەخۆکان لە ھەولێر کۆدەبێتەوە و بڕیار لەبارەی ھاتووچۆی نێوان پارێزگاكان و رێكار و رێنماییەكانی دیكەی رووبەڕوونەوەی ڤایرۆسی كۆرۆنا دەدرێت.

بە پێی زانیارییەکان لە کۆبوونەوەکەدا گفتوگۆ لەبارەی دوایین رێکارەکانی بەرەنگاربوونەوەی کۆرۆنا و کردنەوەی هاتووچۆی نێوان پارێزگاکان دەکرێت.

جگە لە ھاتووچۆی نێوان پارێزگاكان، پێشتر لە ھەولێر داوای كردنەوەی مزگەوت و ھۆڵەكانی وەرزشی و یانەكانی خواردنەوە كرابوو، بەڵام بەھۆی بەرزبوونەوەی ژمارەی تووشبووان بڕیاری كردنەوەیان نەدراوە. لە كۆبوونەوەی شەمەی رابردووی ژووری ئۆپەراسیۆنی ھەولێریش ھیچ بڕیارێكی نوێ نەدرا و بڕیارە لە كۆبوونەوەی ئەمڕۆدا پێشنیازەكان بخرێنەڕوو، بۆ ئەوەی بە راوێژ لەگەڵ وەزارەتی ناوخۆ و تەندروستی بڕیاریان لێبدرێت.

فەرەیدون غەریب، بەڕیوەبەرى گشتى ئەوقافى سلێمانى بە "BMC" راگه‌یاندبوو، پێشنیاریان کردووە، تاوەکو رۆژى هەینى دەرگاى مزگەوتەکان بکرێنەوە بە جێبەجێکردنى رێکارە تەندروستییەکان.

Copyright 2019 BMC TV. All right reserved

Designed and Developed by AVESTA GROUP