وەزارەتی تەندروستی عێراق رایدەگەیەنێت، تا ئێستا ٩٧هەزار و١٥٩ کەس تووشی ڤایرۆسی کۆرۆنا بوون و لەو ژمارەیەش رێژەی٦٦،٨٪یان چاکبوونەتەوە.
ئەمڕۆ سێشەممە ٢١ی تەمموز وەزارەتی تەندروستی عێراق لە بەیاننامەیەکدا بڵاویکردووتەوە، لەماوەی ٢٤ کاتژمێری رابردوودا دوو هەزار و ٤٦٦ حاڵەتی نوێی توشبوون بە ڤایرۆسی کۆرۆنا لە عێراق تۆمارکراوە.
ئاشکراشی کردووە، لە هەمان کاتدا دوو هەزار و ١١٤کەس چاکبوونەتەوە و ٨١ کەسیش گیانیان لەدەستداوە.
تا ئێستا ژمارەی توشبوان بە ڤایرۆسی کۆرۆنا لە عێراق گەیشتۆتە ٩٧هەزار و ١٥٩ کەس.