وه‌زاره‌تی ناوخۆی حكومه‌تی هه‌رێمی کوردستان فۆڕمی ئه‌لیكترۆنی بۆ هاتوچۆی هاوڵاتیان له‌نێوان پارێزگاكان كاراكرده‌وه و رایگه‌یاند، هاوڵاتیان ده‌توانن له‌كاتژمێر ٩:٠٠ی به‌یانی تاوه‌كو ٢:٠٠ی پاشنیوه‌ڕۆ فۆڕمی ئه‌لیكترۆنی پڕبكه‌نه‌وه.
به‌گوێره‌ی راگه‌یه‌ندراوێكی وه‌زاره‌تی ناوخۆی هەرێمی کوردستان، سه‌ره‌ڕای ئه‌وه‌ی ده‌سه‌ڵات دراوه‌ته پارێزگاكان داواشكراوه به شێوه‌یه‌كی نیزامی و له چوارچێوه‌ی رێكاره ته‌ندروستیه‌كان كار به سیسته‌می ئه‌لیكترۆنی بكرێت له بازگه‌كاندا.
ئه‌وه‌شخراوه‌ته‌روو، بڕیاردراوه به هاتوچۆی نێوان پارێزگاكان ئاسانكاریی زیاتر بۆ هاونیشتمانیان بكرێت و به‌شێوه‌ی ئه‌لیكترۆنی ڕێگه به هاوڵاتیان بدرێت، بۆ پڕكردنه‌وه‌ی فۆرمی ئه‌لیكترۆنی هاوڵاتیان له كاتژمێر ٩:٠٠ی به‌یانی تا ٢:٠٠ی سه‌ردانی ماڵپه‌ری وه‌زاره‌تی ناوخۆ بكه‌ن.
لە کۆبونەوەی دوێنێی نێوان وەزیرانی ناوخۆ و تەندروستی و پارێزگارەکانی هەرێم بڕیاردرا ئاسانکاری زیاتر بۆ هاتوچۆ نێوان پارێزگاکانی هەرێم بە گشتی و پارێزگای هەولێر و سلێمانی بەتایبەتی بکرێت، ئەویش لە رێگەی کاراکردنەوەی رێگەپێدانی ئەلیکترۆنی و سەرپەرشتیکردنی لەلایەن خودی پارێزگاکانەوە نەک وەزارەتی ناوخۆ.
رێبەر ئەحمەد، وەزیری ناوخۆی هەرێمی کوردستان لە کۆنفرانسێکی رۆژنامەنوسیدا رایگەیاند، بڕیادرا دەروازەکان بەڕوی هاتوچۆی بازرگانی، نەخۆش و کاری پێویستی هاوڵاتیان کراوەبێت و لەدەروازەکانیش کەرتی تایبەت بە هاوکاری حکومەت پشکنین بۆ ئەو کەسانە دەکات کە دەگەڕێنەوە.
ئاماژەی بەوەشکرد، هەرچەندە بڕیاربو 23ی ئەم مانگە فڕۆکەخانەکان بە ڕوی گەشتی ناوخۆیی و نێودەوڵەتیدا کراوەبن، بەڵام داوایان لە هەردو فڕۆکەخانەی نێودەوڵەتی هەولێر و سلێمانی کردوە بەمەبەستی گرتنەبەری رێکاری خۆپارێزی زیاتر و ئامادەکاری بۆ چۆنیەتی ئەنجامدانی گەشتەکان و کەرەنتینەکردنی هاوڵاتیان، لە هەرێمی کوردستان تاوەکو 1ی ئاب فڕۆکەخانەکان بە ڕوی گەشتی ناوخۆیی و نێودەوڵەتیدا بە داخراویی بمێننەوە.له‌رێگه‌ی پڕکردنەوەی فۆڕمه‌وه رێگه به هاتوچۆی نێوان پارێزگاكان لە هەرێم دەدرێت
بۆ پڕكردنه‌وه‌ی فۆرمه‌كه كلیك لێره بكه