درەنگانی شەوی رابردوو دوو فڕۆکەی جەنگی ئەمریکا لە ئاسمانی سوریا لە فڕۆکەیەکی نەفەر هەڵگری ئێرانی نزیک بوونەوە و بەو هۆیەوە فڕۆکە نەفە هەڵگرەکە بە ناچاری نیشتووەتەوە.
میدیاکانی ئێران بڵاویانکردووەتەوە،شەوی رابردوو فڕۆکەیەکی هێڵی ئاسمانی ماهان ئەیر کە لە گەشتدا بووە لەنێوان ئێران و لوبنان، دوو فڕۆکەی جەنگی ئەمریکی بە خێراییەکی زۆر لێی نزیکبوونەتەوە.
روونشیکردووەتەوە، فڕۆکە مەدەنییە ناچاربووە بەپەلە بنیشێتەوە و بەو هۆیەشەوە ژمارەیەک سەرنشین برینداربوون.
هاوکات دەسەڵاتی فڕۆکەوانی ئێرانی ئاشکرای کردووە، لە رێخراوی فڕۆکەوانی نێودەوڵەتی مەدەنی داوای یاسایی لەسەر ئەمریکا تۆماردەکەن.