مەكتەبی سیاسی یەكێتیی نیشتمانیی كوردستان په‌یامێكی ئاراسته‌ی رێكخه‌ری گشتی و ئه‌ندامانی بزوتنه‌وه‌ی گۆڕانكرد و له په‌یامه‌كه‌دا هاتووه، لەگەڵ بەشی زۆری تێكۆشەرانی بزوتنەوەكەتاندا مێژووی هاوبه‌شمان هه‌یه.
له په‌یامه‌كه‌ی مه‌كته‌بی سیاسی یه‌كێتیدا هاتووه، بە سڵاوێكی گەرمەوە، بەناوی هەڤاڵانی هاوسەرۆك و مەكتەبی سیاسی و ئەنجومەنی سەركردایەتیەوە، پیرۆزبایی یادی (11) ساڵەی دامەزراندنی بزووتنەوەکەتان لێدەكەین، كە لە ماوەی ساڵانی ڕابردووی خەباتی سیاسی و دیموكراتیدا، هاوبەشێکی چالاكی پرۆسەی سیاسی بووە.
ئه‌وه‌شخراوه‌ته‌روو، ئەم یادەتان لە هەلومەرجێكدا دەكرێتەوە كە پرۆسەی سیاسی لە كوردستان و عێراق لەبەردەم پێشهات و گۆڕانكاریی گەورەدایە و ئومێدەوارین ببێتە دەرفەت بۆ دروستكردنی كۆدەنگیەكی نیشتمانی
روونیشكراوه‌ته‌وه، ئێمە لە یەكێتیی نیشتمانیی كوردستان، لەگەڵ بەشی زۆری تێكۆشەرانی بزوتنەوەكەتاندا، پێشینە و مێژوویەكی هاوبەشمان هەیە لە شۆڕشی نوێی گەلەكەماندا. ئومێدەوارین بە سوود وەرگرتن لە ئەزموونی ڕابردوو. لە ململانێی و رێكەوتنەكان، زیاتر پەرە بە پەیوەندییەكانمان بدەین، بەتایبەتی كە ئێستا هەوڵی جددی لەنێوانمان دا هەیە، بۆ دارشتنەوەی پەیوەندییەكانمان بەجۆرێك لە خزمەتی یەكریزی و تەبایی زیاتر و باشكردنی گوزەرانی خەڵك بێت.