Alternate Text

زۆرترین بینراو

Alternate Text

وه‌زاره‌تی ناوخۆ لە جۆرێکی سزای هاتووچۆ خۆشدەبێت

کوردستان

بینراو 920

پێش 2 هەفتە

Alternate Text

وه‌زاره‌تی ناوخۆی حكومه‌تی هه‌رێمی كوردستان رایگه‌یاند، ماوه‌ی لێخۆشبوون له‌ سزای دواكه‌وتنی گشت مامه‌ڵه‌كان له‌به‌ڕێوه‌به‌رایه‌تیه‌كانی هاتوچۆ تاوه‌كو یەکی ئەیلولی ٢٠٢٠، درێژكرایه‌وه‌.

به‌گوێره‌ی نوسراوێكی وه‌زاره‌تی ناوخۆی حكومه‌تی هه‌رێم، كه‌ واژۆی رێبه‌ر ئه‌حمه‌د وه‌زیری ناوخۆی له‌سه‌ره‌ تێیدا هاتووه‌، ئاماژه‌ به‌بڕگه‌ی دو له‌به‌یاننامه‌ی ژماره‌ ١٣ی ساڵی ٢٠٢٠ و هه‌ردوو فه‌رمانی ژماره‌ ٧٧٠٥ی رۆژی ١٣ی ئایاری ٢٠٢٠، نوسراوی ژمارە ٨٩٣٢ی رۆژی پێنجی تەمووزی ٢٠٢٠، كه‌ تایبه‌ت به‌ لێخۆشبون له‌ سزای دواكه‌وتن بڕیاردرا ماوه‌ی لێخۆشبونه‌كه‌ درێژبكرێته‌وه‌.

روونیشیکراوەتەوە، بڕیاردراوه‌ ماوه‌ی لێخۆشبون له‌ سزای دواكه‌وتنی گشت مامه‌ڵه‌كان له‌به‌ڕێوه‌به‌رایه‌تیه‌كانی هاتوچۆ له‌هه‌رێمی كوردستان له‌ماوه‌ی دووی تەمووزی ٢٠٢٠، تاوەکو یەکی ئەیلولی ٢٠٢٠، درێژبكرێته‌وه‌، به‌ به‌خشراو ئه‌ژمارده‌كرێن به‌هۆی راگرتنی مامه‌ڵه‌كان به‌هۆكاری بڵاوبوونه‌وه‌ی ڤایرۆسی كۆرۆنا.

پێشتر وه‌زاره‌تی ناوخۆ بڕیاریدابوو، به‌هۆی راگرتنی ده‌وام و خۆپارێزی له‌ڤایرۆسی كۆرۆنا، ئه‌و كه‌سانه‌ی كه‌ به‌هۆی ته‌وانه‌كردنی مامه‌ڵه‌كانیان و نوێكردنه‌وه‌ی ساڵانه‌ و مۆڵه‌ت سزایان ده‌كه‌وێته‌سه‌ر، ده‌به‌خشرێن.

Copyright 2019 BMC TV. All right reserved

Designed and Developed by AVESTA GROUP