دەسەڵاتدارانی ئەڵمانیا دەستگیرکردنی ژنێکیان راگەیاند، کە بە نیازبووە بۆ پەیوەندیکردنی بە چەکدارانی داعشەوە رووبکاتە سووریا.
نوسینگەی داواکاری نیشتیمانی ئەڵمانیا، بڵاویکردووەتەوە، ژنێک کە هەڵگری رەگەزنامەی ئەڵمانی و لوبنانی بووە، لەگەڵ چوار منداڵیدا بە نیازبوون بە هاوکاری برای هاوسەرەکەی بە ناوی رەبیع بچنە سووریا و پەیوەندی بکەن بە رێکخراوی داعشەوە.
ئاشکراشی کردووە، تۆمەتبارەکان تۆمەتی شکاندنی یاساکانی ئەڵمانیا وپەیوەندی بە چەکدارانی داعش و پێشێلکردنی مافەکانی مندڵیان خراوەتە پاڵ و دەستگیرکراون.