ئەمڕۆ لە پارێزگای دیالە لیژنەیەکی سوپای عێراق و هێزەکانی پێشمەرگە لەبارەی دۆخی ناوچە جێناکۆکەکان کۆبوونەوە.
لیوا قارەمان شێخ کەمال، جێگری سوپا سالاری هێزەکانی پێشمەرگە بە BMC راگەیاند، کۆبوونەوەکەی ئەمڕۆی فەرماندە مەیدانییەکانی سوپای عێراق و هێزەکانی پێشمەرگە، لەسەر راسپاردەی لیژنەی باڵای وەزارەتی بەرگری عێراق و هێزەکانی پێشمەرگە بووە.
روونیشیکردەوە پێشتر بڕیاردرابوو ئەو فەرماندانە رووپێوێکی ئەو ناوچانە بکەن کە بە لای هەردوو لاوە گرنگن، مەبەست لەوەش بۆ ئەوەیە لە ئایندەدا بڕیار بدڕێت چ رێوشوێنێکی ئەمنی لەو ناوچانەدا بگیرێنە بەر.