Alternate Text

زۆرترین بینراو

Alternate Text

كه‌ی كۆتایی به‌ كه‌ره‌نتینكردن بهێنین؟

تەندروستی

بینراو 50

5 رۆژ پێش ئێستا

Alternate Text

پزیشكێكی پسپۆڕی هه‌ناو و دڵ له‌باره‌ی كۆتایی هێنان به‌ كه‌ره‌نتینی ماڵه‌وه‌ ده‌ڵێت، پێویسته‌ بەلایەنی كەمەوە ١٠ رۆژ تێپەڕێبێت بەسەر دەستپێكی نیشانەكانی.

د. سوارە عەلی مەولوود پزیشکی پسپۆڕی هەناو و دڵ رایده‌گه‌ینێ، بەگوێرەی دواترین رێنمایی ئەمریكی (ناوەندی کۆنترۆڵکردن و رێگریی لە نەخۆشییەکان - CDC) کۆتاییهێنان بە کەرەنتینە بەمجۆرە دەبێت:

یەکەم: ئەگەر نەخۆشەكە بەشێوەی سووك و مامناوەند تووشی كۆڕۆنا بووبێت و ئەم سێ مەرجەی خوارەوەی تێدابێت، دەتوانێت تێكەڵاوی خێزانەكەی ببێتەوە:

١-بەلایەنی كەمەوە ١٠ رۆژ تێپەڕێبێت بەسەر دەستپێكی نیشانەكانی

٢-بەلایەنی كەمەوە ٢٤ سەعات تێپەڕیبێت و تای نەبێت بەبێ بەكارھێنانی دەرمان بۆ تا دابەزیین وەكو پاراسیتۆل و پرۆفین و هاوپۆلەکانیان

٣-نیشانەكانی دیکەیشی باشبووبن وەكو كۆكە و تەنگەنەفەسی

دووەم- ئەگەر نەخۆشییەكەی بە سەختی گرتبێت، دەتوانێت تێكەڵاو بێت ئەگەر بەلایەنی كەمەوە ٢٠ رۆژ تێپەڕبێت بەسەر دەستپێكی نیشانەكانی، هەروەها مەرجی دووەم و سێیەمی تێدابێت بەڕاوێژ لەگەڵ پزیشکە سەرپەرشتیارەكەی

سێیەم- ئەگەر تەنیا بەپشكنین كۆرۆنای ھەبێت و ھیچ نیشانێكی نەبێت، دەتوانێت دوای ١٠ رۆژ كۆتایی بەكەرەنتینەی ماڵ بھێنێت

تێبینی- پشكنینی كۆرۆنا لەڕێگای سوابی لووت Rt-PCR بۆ بڕیاردان لە تێکەڵبوونەوە، تەنھا بۆ كەسانێك بەكاردێت كە بەرگری لەشیان زۆر لاوازە وەكو نەخۆشانی شێرپەنجە و نەخۆشیی درێژخایەنی گورچیلە... تاوەکو بزانرێت كەی تێكەڵاو ببنەوە، چونکە ئەم كەسانە بۆی ھەیە درەنگتر چاكببنەوە.

ئاگاداربە: پشکنینی خوێن بەكارنایەت بۆ ئەوەی بڕیاری چاكبوونەوەی لێ بدرێت، تەنھا ئەگەر پێویستی كرد سوابی لووتەكە دەبێت دوو رۆژ بەدواییەكدا نێگەتیڤ بێت.

Copyright 2019 BMC TV. All right reserved

Designed and Developed by AVESTA GROUP