مەکتەبی سیاسیی
یەکێتی رایدەگەیەنێت، ئێزدییەكان بەهۆی بنەچەی ئاینی و نەتەوەییانەوە، لە مێژووی
دوور و نزیكی ئەم رۆژھەڵاتەماندا، دەیان جار رووبەڕووی فەرمانی پاكتاو و جینۆساید
و دەربەدەری بوونەتەوە".
مەكتەبی سیاسی
یەكێتی بەبۆنەی یادی شەش ساڵەی كۆمەڵكوژی و جینۆسایدی كوردانی ئێزیدی راگهیهنراوێكی
بڵاوكردهوهو تێیدا داوای دۆزینەوەی بێسەرشوێن
بووان و هەڵدانەوهی گۆڕە بەكۆمەڵەكان دەكات.
لەراگهیهنراوهكهی
مەكتەبی سیاسی یەكێتی نیشتمانی كوردستاندا
هاتووە، "ئێزدییەكان بەهۆی بنەچەی ئاینی و نەتەوەییانەوە ، لە مێژووی دوور و نزیكی ئەم رۆژھەڵاتەماندا ، دەیان جار رووبەرووی
فەرمانی پاكتاو و جینۆساید و دەربەدەری بوونەتەوە، لەپشت هەریەك لەو تاوانانەوە، عەقلیەتێكی دواكەوتووی ڕەگەزپەرەستانە
هەبووە".
ئەوەش
خراوەتەڕوو، "ئەركی نیشتمانی و نەتەوەیی
و مرۆیی، لایەن و دامەزراوە پەیوەندارەكانیشە، بێ درێغ هەوڵبدەن سۆراغی بێسەروشوێنكراوەكان
بكەن و چارەنووسیان یەكلایی بكەنەوە، گۆڕەبەكۆمەڵەكان هەڵبدرێنەوەو بەڵگەنامەكان
بپارێزرێن، ناوچە زیانلێكەوتووەكانیش ئاوەدان بكرێنەوەو گوزەرانی خەڵكەكەی باش بكرێت."
دەقی راگهیهنراوهكه:
كوردستان لە بیرەوەری
خەمناكی جینوسایدی كوردانی ئێزدیدالە (سێ)ی ئابی ساڵی (٢٠١٤) و رۆژانی دواتر، تیرۆرستانی رێكخراوی نەفرەت لێكراوی داعش، بەشێوەیەكی
دڕندانە پەلاماری خەڵكی شەنگالیاندا و تاوانی گەورەی قەتلوعامیان دژی كۆمەڵگەی دێرین و رەسەنی ئێزدی بەرپا كرد.
لەو تاوانە دژە نەتەوەیی و نیشتمانی و یٔینسانییەدا كە بەپێی یاسا
ناوخۆیی و نێودەوڵەتییەكان، دەچێتە خانەی تاوانی جینۆسایدەوە، هەزاران هاووڵاتی مەدەنی
كۆمەڵكوژ و بە هەزارانی تریش بێسەروشوێن كران ، بە شێوەی تاوانی رێكخراوەیی ، ھۆڤانە
و دڕندانەی كۆنینە و نوێ، ژنان و پیاوانی
ئێزدی لێكجیاكرانەوە، بە بەرچاوی كۆمەڵگەی مۆدێرنی مرۆڤایەتی لە سەدەی
بیستویەكدا ، بازاڕی كۆیلایەتی و شەرمەزاری فرۆشتن و بازرگانی جەستەیان پێ زیندووكرایەوە.
ژنانی سەربەرز
و رووسوری ئێزدیش ، سەرقافلەی زیانلێكەوتوانی
ئەو تاوانە بوون.
ئێزدییەكان بەهۆی
بنەچەی ئاینی و نەتەوەییانەوە ، لە مێژووی
دوور و نزیكی ئهم رۆژھەڵاتەماندا ، دەیان
جار رووبەرووی فەرمانی پاكتاو و جینۆساید و دەربەدەری بوونەتەوە، لەپشت هەریەك لەو تاوانانەوە، عەقلیەتێكی دواكەوتووی ڕەگەزپەرەستانە
هەبووە، بەڵام كۆمەڵگەی ژیاندۆستی ئێزدی بە خۆراگری و ئیرادەی بەهێزەوە توانیویانە سەربەرزانە بمێننەوە. بۆ یٔێستاش پێویستییەكی
كوردستانی و عێراقی و یٔینسانییە كار و كۆششیان
بۆ بكرێ تا بەسەر یٔاسەواری دوا تاوانی دژیان
سەربكەون و ژیان و بوژاندنەوە و یٔاوەدانی دەڤەرەكەیان ببێتە یٔەجیندای پەرۆشی
داھاتوومان.
لەیادی تێپەربوونی (شەش)
ساڵ بەسەر ئهمتاوانەدا جارێكی تر ئیدانەی
ئهمكۆمەڵكوژییە و ئهم لەكە پڕ شەرمەزارییەی داعش و رەفتار داعشییەكان دەكەینەوە ، سەری رێز لە ئاستی گڵكۆی هەموو شەهیدان و قوربانییەكان دادەنەوێنین
و سڵاوی خۆراگری بۆ كەسوكارە سەربەرزەكانیان
دەنێرین .
كەسوكاری سەربەرزی
شەهیدانی ئێزدی...
لەكاتێكدا یادی جینۆسایدی
ئێزدییەكان دەكەینەوە، ئەنجامدەرانی ئهم تاوانە كە ڕێكخراوی تیرۆریستی داعشە، لەلایەن
ھێزی پێشمەرگە و سوپای عێراق، بەیارمەتی وڵاتانی دۆست و هاوپەیمانانەوە رووبەرووی شكستی گەورە بوونەتەوە،
بەڵام هێشتا بەشێكی زۆری تاوانبارانی ئهم كەیسە دەستگیرنەكراون و رووبەرووی یاسا
نەكراونەتەوەو تاوانەكەیش وەك كەیسی جینۆساید لە یٔاستی ناوخۆی عێراق و نێودەوڵەتیدا،
كاری جددی لەسەر نەكراوە، هێشتا ئەو عەقلیەتەی هاندەری تاوانی لەم شێوەیەیە ، وەكو خۆیەتی و ڕەنگە لەبەرگی تردا خۆی مەڵاس دابێت و بخوازێت فەزای ژیان و یٔایندەی كۆمەڵگەی
فرەیی و رەنگینی كوردستان و عێراق و ناوچەكە ئالودە بكەنەوە، بۆیە وەك یەكێتیی نیشتمانیی
كوردستان جەختدەكەینەوە، كە پێویستە لە ھەرێمی كوردستان، لە ئاستی پەرلەمان و حكومەت
و دامەزراوە پەیوەندارەكانی تر، لە یٔاستی حزب و لایەنە سیاسیەكان و نوێنەرانی
فراكسێۆنەكانی كوردستان لە بەغدا، كەیسی جینۆسادی ئێزدییەكان، بكرێتە خەمێكی یٔینسانی
و نیشتمانی و نەتەوەیی و هەوڵی بێوچان بدرێت، لەبەر رۆشنایی یاسا و رێككەوتنە نێودەوڵەتییەكان،
بەتایبەت لەدادگای تاوانی نێودەوڵەتی، بەڕەسمی وەك تاوانی جینۆسایدو دژی مرۆیی و جەنگ
بناسرێن، یٔەنجامدەرانی تاوانەكەش رووبەڕووی دادگا بكرێنەوە، قەرەبووی كەسوكاری
قوربانییەكان و زیانلێكەوتووان بكرێتەوە.
ئەركی نیشتمانی
و نەتەوەیی و مرۆیی، لایەن و دامەزراوە پەیوەندارەكانیشە، بێ درێغ هەوڵبدەن سۆراغی
بێسەروشوێنكراوەكان بكەن و چارەنووسیان یەكلایی بكەنەوە، گۆڕەبەكۆمەڵەكان هەڵبدرێنەوەو
بەڵگەنامەكان بپارێزرێن، ناوچە زیانلێكەوتووەكانیش ئاوەدان بكرێنەوەو گوزەرانی خەڵكەكەی
باش بكرێت.
لەم بیرەوەرییە
تاڵەدا ، سڵاو لە گڵكۆی شەهیدانی جینۆسایدی ئێزدییەكان و هەموو شەهیدانی كوردستان...
نەفرەت لە تاوانكاران و تیرۆریستان...
مەكتەبی سیاسیی
یەكێتیی نیشتمانیی
كوردستان