وەزارەتی دەرەوەی چین بە توندی دژایەتی بڕیارەکەی ئەمەریکای کرد بۆ قەدەغەکردن و  مامەڵەکردنی ئەمەریکیەکان لەگەڵ هەردوو کۆمپانیای تێنسێنتی ویچات و بایت دانسی تیک تۆك.

له‌وباره‌یه‌وه‌ وانگ وێنبین ، وتەبێژی وەزارەتی دەرەوەی چین به‌ سایتی رۆیته‌رزی راگه‌یاند ، پەکین بەرگری لە مافە یاسایی و بەرژەوەندییەکانی کارە چینیەکان دەکات و دەبێت ئەمەریکا بەرگەی دەرەنجامی ڕەفتارەکانی بگرێت.

وانگ وێنبین وتیشی ، ئەمەریکا ئاسایشی نیشتیمانی وەکو بیانوویەک بەکاردەهێنێت و دەسەڵاتەکانی بەکاردەهێنێت بۆ سەرکوتکردنی ئەو کارانەی ئەمەریکی نین، چین بەتوندی دژایەتی ئەوە دەکات

ئه‌مه‌ له‌ كاتێكدایه‌ دۆناڵد ترامپ ، سەرۆکی ئەمەریکا دوو فەرمانی دەرکرد بۆ قەدەغەکردن و مامەڵەکردنی ئەمەریکیەکان لەگەڵ کۆمپانیای تێنسێنت کە خاوەنی ویچاتە و هەروەها کۆمپانیای بایت دانس کە خاوەنی تیک تۆکە، بەڕێوبەرایەتییەکەی ئەمەریکا پێشتریش ئاماژەی بەوەدا بوو ئەو بەرنامە چینیانەی" متمانەپێکراو "نین ، هەڕەشەن بۆ سەر ئاسایشی نیشتیمانی وڵاتەکە و ڕاستەوخۆ زانیاریی ئەمەریکیەکان دەگوازنەوە بۆ حیزبی شیوعی چین.