کۆمپانیای فەیسبووک رایگەیاند، بەرنامەیەک بە ناوی ریەڵز بۆ ئینستاگرام زیاد دەکات، کە رێگە بە بەکارهێنەر دەدات ڤیدیۆکانی لەو رێگەوە بنێرێت یا خود بڵاویان بکاتەوە.

سایتی گاردیانی به‌ریتانی بڵاوی كردووه‌ته‌وه‌ ، به‌رنامه‌كه‌ به‌ ناوی (reels) ناونراوه‌ ،  له‌ ئێستادا بۆ ئەمریکا و 50 وڵاتی تر بەردەستە و زۆر لە بەرنامەی تیک تۆک دەچێت، خستنەکاری ئەو بەرنامەیە هاوکاتە لەگەڵ قه‌ده‌غه‌كردنی تیك تۆك له‌لایه‌ن سه‌رۆكی ئه‌مریكاوه‌ .

 

دوای پەرەسەندنی ململانێکانی ئەمریکا و چین و توندکردنەوەی فشارەکانی واشنتۆن لەسەر تیک تۆک، بەرپرسانی تیک تۆک فەیسبووکیان تۆمەتبارکردووە بەوەی کۆپی ئەپەکەی ئەوانیان کردووە، بەڵام فەیسبووک رەتیدەکاتەوە .

فەیسبووک یه‌كه‌مجار نیه‌ به‌رنامه‌یه‌كی له‌وجۆره‌ دروست بكات، له‌ساڵی ٢٠١٨ ئەپێکیتری بەناوی "لاسو"ی خستبوەکار بەمەبەستی بڵاوکردنەوەی ڤیدیۆی بەکاربەرانی، بەڵام پێشوازی ئەوتۆی لێنەکرا، بۆیە ئەمجارەیان روویکردۆتە تۆڕی ئینستاگرام و لەوێوە هاوشێوەکەی تیک تۆکی کارپێکردوە.

 

به‌رێوه‌به‌ری به‌بازاریكردنی ئه‌لكترۆنی له‌ كۆمپانیای فه‌یسبووك ده‌ڵێت ، روون نیه‌ ئه‌م ئه‌په‌ تاچه‌ند به‌باشی ئیشه‌كانی خۆی ده‌كات به‌لام به‌ هه‌موو شێوه‌یه‌ك پاڵپشتی لێده‌كه‌ین بۆ ئه‌وه‌ی له‌سه‌رتاسه‌ری جیهان كاری پێبكرێت و سه‌رجه‌م داتا و زانیاریه‌كانیان پارێزراو ده‌بێت .