پەرلەمانتارێکی عێراقی رایدەگەیەنێت لە دادگای نێودەوڵەتی لاهای داوای یاسایی لەسەر ٤١ بەرپرسی عێراق تۆماردەکرێت بە تۆمەتی تێوەگلانیان لە گەندەڵییەوە.
فایەق شێخ عەلی، پەرلەمانتاری عێراق لە تویتەر بڵاویکردووەتەوە، عەلی فازل، سەرۆکی رێکخراوی ئەمریکی-عێراقی بۆ بەرەنگاربوونەوەی گەندەڵی داوای یاسایی لە دادگای نێودەوڵەتی لاهای لەسەر ٤١ بەرپرسی عێراقی تۆماردەکات، کە ژمارەیەکیان لە ئێرانەوە نزیکن بە تۆمەتی گەندەڵی.
ئەو پەرلەمانتارە ئاشکراشی کردووە، لیستی ناوەکان بە فالح فەیاز دەست پێدەکات و بە حامید جەزائیری کۆتایی دێت و هادی عامری پلەی شەشەمی لیستەکەی گرتووە.