لێپرسراوی بەشی بومەلەرزەی سلێمانی ئاشکرای دەکات گوڕی بومەلەرزەکەی شەوی رابردوو تەنها ٣ پلە بووە و خەڵکێکی کەم هەستیان پێی کردووە.
ئاراس مەحمود، لێپرسراوی بەشی بومەلەرزە لەبەڕێوەبەرایەتی کەشناسی سلێمانی بە BMC راگەیاند، کاتژمێر ١٢:٥٠ خولەکی شەوی رابردوو بومەلەرزەیەک لە هەرێمی کوردستان روویداوە.
روونیشیکردەوە، گوڕی بومەلەرزەکە ٣ پلە بووە و سنوری هەڵەبجە و سەیدسادق چەقەکەی بووە.