زۆرینەی ئەو کەسانەی مۆبایلە زیرەکەکان بەکاردەهێنن یان هەژماریان لەناو تۆڕە جیاوازەکان هەیە، هەوڵدەدەن پاسۆردێکی بۆ دابنێن کە لای هیچ کەس ئاشکرا نەبێت، بەڵام زۆرجار ئەم بیرۆکەیە سەرناگرێت.
بافڵ مياسوييدۆف، شارەزای بواری تەکنەلۆجیا دەڵێت، زۆرجار بەهۆی ئاسانی ئەو پاسۆردانەی دایدەنێین شانسی هاککردنمان زۆر زیادتر دەبێت.
ئەو شارەزایە باس لەوەشدەکات، بۆ ئەوەی خۆت لە هاککردن بپارێزیت، باشترە ئەو پاسۆردانە دانەنێت کە ژمارە یان پیتی بەدوای یەکدا هاتوون، باشترە پاسۆردەکەت ناو یان تەمەن یان ساڵی لەدایکبوونت یان ژمارەی مۆبایلەکەت نەبێت.
جەختلەوەشدەکاتەوە، باشترین پاسۆردەکان ئەوانەن کە لە ژمارە و پیت پێکهاتووە.