بەپێی پرۆژەیەكی وەزارەتی كار و كاروباری كۆمەڵایەتیی
حکومەتی هەرێمی کوردستان هەر خێزانێكی هەژار مانگە ١٥٠ هەزار دیناری پێ دەدرێت.
كوێستان محەممەد،
وەزیری كار و كاروباری كۆمەڵایەتی بە (BMC) راگەیاند، "بەهاوكاری
رێكخراوێكی رێكخراوی "یو ئێن دی پی" نێودەوڵەتی پرۆژەیەكیان بۆ هاوكاریكردنی
خێزانە هەژارەكانی هەرێمی كوردستان ئامادە كردووە.
روونیشێکردەوە، "هەفتەی داهاتووش پڕۆژەكە
دەبەنە ئەنجوومەنی وەزیران و دواتریش بە میكانیزمێك دەست بەناونووسینی خێزانە هەژارەكان
دەكەن".
وەزیری كار و
كاروباری كۆمەڵایەتی ئاشکراشیکرد، چەند مەرجێك بۆ ئەو خێزانانە دادەنرێت كە ئەو
مووچەیەیان دەدرێتێ ، "مەرجێكیان ئەوەیە ئەو خێزانە هیچ مووچەیەكی دیكەیان نەبێت
و ئەگەر خوێندكاری لە خوێندن دابڕابوو بیگەڕێنێتەوە بەر خوێندن و ئەگەر منداڵی لە
خێزان دابڕابوو بیگەڕێنێتەوە و بۆ هەموو ئەوانەش پشتیوانیی دەكرێت".
بەپێی پرۆژەكە هەر خێزانێكی هەژار مانگانە ١٥٠
هەزار دیناری دەدرێتێ و بۆ هەر منداڵێكیش كە هەیەتی ٢٥ هەزار دینار بۆ سەر ئەو ١٥٠
هەزار دینارە زیاد دەبێت.
كوێستان محەممەد دەشڵێت، "بۆ چۆنێتیی ناو
نووسین و دۆزینەوەی ئەو خێزانە هەژارانە بە نیازی دانانی رێکارێکن ، هەفتەی
داهاتوو پرۆژەكە بۆ پەسندكردنی دەبەینە ئەنجوومەنی وەزیران".
پێشتر ٨٨ هەزار خێزان لە هەرێمی كوردستان
مانگانە ١٥٠هەزار دیناریان وەك هاوكاری پێدەدرا، بەڵام لە ساڵی ٢٠١٤ەوە ئەو هاوكارییە
نەماوە.