لەسەر سكاڵای هاوڵاتییەك پۆلیسی پێنجوێن تۆمەتبارێكیان دەستگیركرد كە فرۆشتگایەكی بڕیبوو.

بەڕێوەبەرایەتی پۆلیسی پارێزگای سلێمانی لە راگەیەنراوێکدا ئاشکرایکردووە، دوای ئەوەی هاوڵاتیەک لە بەشی پۆلیسی پێنجوێن سکاڵا تۆمار دەکات تۆمەتبارێکیان دەستگیرکردووە و دوای لێکۆڵینەوە دانی بە تاوانەکەیدا ناوە.

لە راگەیەنراوەکەدا ئەوەش هاتووە "تاوانبارەکە  فرۆشتگایەکی بڕیووە کە سێ‌ لاپتۆپ و هەندێك ئامێری كارەبایی تری بردووە.

ئەمە لە کاتێکدایە لە ئێستا پەراویی لێکۆڵینەوە بۆ تاوانبارەکە کراوەتەوە، دەستگیراوە بەسەر ئەو كەلوپەلانەدا كە لەفرۆشگاكە بردبوی.