پۆلیسی کەرکوک رایگەیاند، ژن و پیاوێکیان بەتۆمەتی
دزینی ١٨ وەرەقە و حەوت ملیۆن دینار لە چەند ماڵێک دەستگیرکردووە.
پۆلیسی کەرکوک لەبەیاننامەیەکدا بڵاویکردەوە، لەلایەن
نوسینگەی نەهێشتنی تاوانی ئازادی بەسەرپەرشتی رائید سامان رەمەزان، بەڕێوەبەری نەهێشتنی
تاوانی ئازادی، دو تۆمەتبار کە ژن و مێردێکن بەناوەکانی (ل ، م ، هـ و ک ، هـ ، ع)
دەستگیرکردووە، کە هەستاون بەدزینی هرزارو ٨٠٠ دۆلار و حەوت ملیۆن دیناری عێراقی لە
چەند ماڵێکی شاری کەرکوک.
ئاشکراشیکردووە، هەردوو تۆمەتبارەکە لەکاتی لێکۆڵینەوەدا
دانیان بەوەدا ناوە کە چوونەتە چەند ماڵێکەوە و پارەیان دزیوە، لەئێستاشدا پەڕاوی
لێکۆڵینەوەیان بۆ کراوەتەوە و رادەستی دادگا کراون بەمەبەستی لێکۆڵینەوە و گرتنەبەری
رێکاری یاسایی.