دوای
ئەوەی ئەمشەو، وتهبێژی حكومهتی ههرێمی كوردستان رایگەیاند، لەمەودوا پێویستە گشت فەرمانبەرانی حکومەت پابەندبن بە دەوامیی فەرمی لە
یەکشەممەوە تا پێنجشەممە لە کاتژمێر (٨:٠٠) بەیانی تا (٣:٠٠) دوای نیوەڕۆ ، بریکاری وەزیری ناوخۆش دەڵێت، درێژکردنەوەی دەوامی
فەرمانبەران لەسنوری پارێزگاکانی سلێمانی و هەڵەبجەو ئیدارەکانی گەرمیان و راپەرین
جێبەجێناکرێت.
لیوا چەتۆ ساڵح، بریکاری وەزیری
ناوخۆ لە بەرامبەر ئەو بڕیارەدا رایگەیاندووە، درێژکردنەوەی دەوامی فەرمانبەران
بەلێبڕینی موچەوە، بڕیارێکی نامەنتیقیی و دیراسە نەکراوەو لەسنوری پارێزگاکانی
سلێمانی و هەڵەبجەو ئیدارەکانی گەرمیان و راپەرین جێبەجێناکرێت.
ئەم
قسانەی لیوا چەتۆ ساڵح لە
کاتێکدایە، جوتیار عادل، وتهبێژی حكومهتی ههرێمی كوردستان ئەمشەو لە
راگەیەنراوێکدا بڵاویکردەوە، "به لهبهرچاوگرتنی بهرژهوهندی گشتی و له
پێناو باشتر خزمهتكردنی هاوڵاتییان و راپەڕاندنی كارهكانیان له دامودهزگاكانی
حكومهت و گەیاندنی خزمهتگوزارییه گشتییهكان و ئاماژە بە ھەردوو بریاری ژمارە (١)ی
ئەنجومەنی وەزیران لە ١٥/ ٧/ ٢٠١٩ و بڕیاری (٥٢) لە ٥ی ٥ی ٢٠٢٠".
ئاماژەی
بەوەشکردووە، جەخت دەکەنەوە لە سەر پابەندبونی سەرجەم ئەو فەرمانبەرانەی بە خزمەتی
گشتی راسپێردراون و گشت کارمەندانی حکومەت لە وەزیر و سەرۆک دەستەکان و
خاوەن وەزیفە باڵاکان و ئەوانەی ئەو پلەشیان هەیە و کارمەندانی راژەی شارستانی و
هێزە چەکدارەکان وهێزەکانی ئاسایشی ناوخۆ لە گشت وەزارەت و دەستە و دامەزراوەکانی
دیکەی هەرێمی کوردستان، ئەرکەکانی سەر شانیان جێبەجێ بکەن و پابەندبن بە دەوامی
فەرمیی وەزارەت و دامەزراوەکانیان.
جوتیار عادل ئەوەشی
خستەڕو، لەدەستپێکی دەوامی فەرمی لە یەکشەممەوە تا
پێنجشەممە لە کاتژمێر (٨:٠٠) بەیانی تا (٣:٠٠) دوای نیوەڕۆ دەبێت".