د. سامان بەرزنجی، وەزیری تەندروستی ھەرێمی
كوردستان لە كۆنفرانسێكی رۆژنامەوانیدا ئاماری ٢٤ كاتژمێری رابردووی تووشبووانی كۆرۆنای
ئاشكرا كرد و رایگەیاند، ٥٧٥ كەسی دیكە تووشی كۆرۆنا بوونە.
روونیشیکردەوە، "لە ٢٤ كاتژمێردا ٢١ تووشبووی دیكە گیانیان
لەدەستداوە كە بەمشێوەیە: ٧ هه‌ولێر، ١٠ سلێمانی، ١ راپه‌ڕین، ٢دهۆك،١هه‌ڵه‌بجه".
وەزیری تەندروستی وتیشی،"زۆربەی تووشبووانی
٢٤ كاتژمێری رابردوو لە سنووری پارێزگای دھۆكن و ٣٣٦ كەسی لەو پارێزگایە وەك ھەڵگری
ڤایرۆسی كۆرۆنا تۆمار كران، بەداخەوە بڵاوبوونەوەی كۆرۆنا لە دھۆك تەشەنەی كردووە".
دەشڵێت، "لەو ماوەیەدا ٢٩٩ تووشبووی كۆرۆنا
لە ھەرێمی كوردستان چاكبوونەتەوە".