Alternate Text

زۆرترین بینراو

Alternate Text

لە سلێمانی دوو کافتریا بەم هۆکارە دادەخرێن

کوردستان

بینراو 316

پێش 3 هەفتە

Alternate Text

به‌هۆی پابه‌ندنه‌بوون به ‌مه‌رج و رێنماییه‌كانی كاركردن و هه‌بوونی نه‌وجه‌وان له‌شوێنه‌كه‌یاندا، لیژنه‌ هاوبه‌شه‌كانی قائیمقامیه‌تی سلێمانی هەردوو كافتریای پریسچ و شه‌وانی شاری داخست.

ئه‌مڕۆ دووشه‌ممه‌، لیژنه‌ی ریستۆرانتی سه‌ر به ‌لیژنه هاوبه‌شه‌كانی قائیمقامیه‌تی سلێمانی بڵاویکردووەتەوە، به‌هۆی پابه‌ندنه‌بوون به‌مه‌رج و رێنماییه‌كانی كاركردن و جێبه‌جێنه‌كردنی مه‌رجه‌كانی‌ ته‌ندروستی و رێكاره‌كانی خۆپارێزی،‌ هه‌ردوو كافتریای (پریسچ) له‌شه‌قامی سالم و (شه‌وانی شار) له‌ شه‌قامی بازنه‌یی مه‌لیك مه‌حمود داخراون.

قائیمقامیه‌تی سلێمانی ئاماژەی بەوەکردووە، له‌كاتی سه‌ردانی لیژنه‌كه‌ بۆ كافتریای (پرسیچ) دەستبه‌سه‌ر خواردنه‌وه‌ مه‌ستییه‌كاندا گیراوە و له‌ كافتریای (شه‌وانی شار)دا رێگری له‌ هاتوچۆكردنی نه‌وجه‌وان و ته‌مه‌ن خوار (18) ساڵ نه‌كراوه‌ و نێرگه‌له‌یان پێشكه‌شكراوه‌، كه ‌ئەوه‌ش پێچه‌وانه‌ی مه‌رج و رێنماییه‌كانی كاركردنه‌ له‌ كافتریاكاندا بۆیه‌ لیژنه‌ هاوبه‌شه‌كان رێگریان لێده‌كات.

ئاماژەی بەوەشکردووە، به‌فه‌رمانی قائیمقامی سلێمانی هه‌ردوو كافتریاکە داده‌خرێن و خاوه‌نه‌كانیشیان روبه‌ڕوی رێكاری یاسایی ده‌كرێنه‌وه‌.

Copyright 2019 BMC TV. All right reserved

Designed and Developed by AVESTA GROUP