وتەبێژی حکومەتی عێراق رایدەگەیەنێت، رێککەوتنی نێوان هەرێم و بەغداد بۆ ئەم قۆناغەیە.
ئەحمەد مەلا تەلاڵ، وتەبێژی حکومەتی عێراق لە کۆنگرەیەکی رۆژنامەوانیدا رایگەیاند، رێککەوتنی نێوان هەرێم و بەغداد کاتییە و بۆ ئەم قۆناغەیە تا ئەو کاتەی بڕیار لە پرۆژە یاسای بودجە دەدرێت.
ئاشکراشی کرد، دوای پەسەندکردنی بودجە چارەسەری کێشەکان دەچێتە چوارچێوەی بودجەوە و هەمانگی هەردوو لا بەردەوام دەبێت.
وتەبێژەکەی حکومەتی عێراق وتیشی، ئەنجومەنی وەزیران بڕیاریداوە هەفتەی داهاتوو کۆبوونەوەیەکی بەپەلە سەبارەت بە بودجە بکات و رەوانەی پەرلەمانی بکات.