سه‌رۆكوه‌زیرانی عێراق ئه‌مڕۆ سه‌ردانی هه‌رێمی
كوردستانی كرد و له كۆبوونه‌وه‌یدا له‌گه‌ڵ مه‌سعود بارزانی، سه‌رۆكی پارتی دیموکرات
کۆبووەوەو رایگەیاند، دەستور ئایندەیەكی ئارام بۆ عیراقێكی یەكگرتوو و سەقامگیر دەستەبەر
ده‌كات.
نوسینگەی راگەیاندنی مسته‌فا كازمی، سەرۆک وەزیرانی
عێراق ئاشكرایكرد كه كازمی لە کۆبوونەوەی کازمی و مەسعود بارزانی سەرۆکی پارتیدا
کازمی رایگەیاندوە هەرێمی کوردستان بەشێکی گرنگ و تەواوە لە عێراق.
كازمی جەختیكردەوە، عیراق پێویستی بە چاكسازییە
و ستایشی هەماهەنگی هێزە چەكدارەكان و پێشمەرگەشی كرد، كە توانییان پێكەوە بەسەر
داعشدا سەربكەون و ڕاشیگەیاند ئەو هەماهەنگییە دەتوانێت خاكی عیراق بپارێزێت و ببێتە
هەلێكیش بۆ بەرەوپێشبردن و گەشەپێدانی عیراق.
سەرۆك وەزیرانی عیراق لە دیدارەكەیدا لەگەڵ مەسعود
بارزانی بە پێویستیشیزانی حكومەتی فیدراڵی و حكومەتی هەرێم تەواوكەری یەكتر بن و ڕاشیگەیاند
''هەرێمی كوردستان بەشێكی سەرەكی و تەواوكەری عیراقە و دیالۆگ و دەستووریش ئایندەیەكی
ئارام بۆ عیراقێكی یەكگرتوو و سەقامگیر دەستەبەر دەكەن''.