ئەمڕۆ شەممە دەزگای هەڵبژاردنی یەکێتی
نیشتیمانی کوردستان و پارتی دیموکراتی کوردستان کۆبوونەوە و دواتر ناوەڕۆکی
کۆبوونەوەکەیان ئاشکراکرد.
رزگار حاجی حەمە لێپرسراوی دەزگای هەڵبژاردنی یەکێتی لە كۆنفرانسێكی
رۆژنامەوانی هاوبەشدا لەگەڵ لێپرسراوی دەزگای هەڵبژاردنی پارتی رایگەیاند " وەك
یەكێتی و پارتی كۆبوونەوەی تر ئەنجامدەدەین لەگەڵ لایەنەكانی تری هەرێم تا رێكبكەوین
لەسەر یەك دەنگیی و یەك هەڵوێستیی لەسەر یاسای هەڵبژاردن".
ئەوەشی خستەڕوو "گرنگە یەك بەرنامە و یەك پلان هەبێت، بۆیە دەبێت
رێككەوتن بكرێت لەسەر ئەوەی بە چ شێوازێك بچینە ئەو هەڵبژاردنە، هێشتا باسی یەك
لیستی نەكراوە لەنێوان لایەنە سیاسییەكاندا بەتایبەت یەك لیستیی لە نێوان پارتی و
یەكێتیدا".
لای خۆیەوە خەسرۆ گۆران لێپرسراوی دەزگای هەڵبژاردنی پارتی دیموكراتی
كوردستان رایگەیاند،هەموو هەوڵێكیان بۆ ئەوەیە ئەو هێز و توانایەی ئێستا لە
پەرلەمانی عیراق هەیە كەم نەبێتەوە و هەوڵی بەهێزكردنی بدەن.