Alternate Text

زۆرترین بینراو

Alternate Text

"سەردانەکەی کازمی بۆ هەرێم نامەی دڵنیایی و رێککەوتنی راستەقینەی لێ دەخوێندرێتەوە"

عێراق

بینراو 124

پێش 2 هەفتە

Alternate Text

هاوپەیمانی هێزە عێراقییەکان کە زۆرینەی هێزەکانی سونەی تێدا کۆبووەتەوە رایگەیاند، سەردانەکەی سەرۆکوەزیرانی عێراق بۆ هەرێمی کوردستان "نامەی دڵنیایی و رێککەوتنی راستەقینە" و هێزی لێ دەخوێنرێتەوە.

حسێن عەرەب، پەرلەمانتاری فراکسیۆنی هێزە عێراقیەکان بە رۆژنامەی سەباح-ی راگەیاندووە، سەردانەکەی مستەفا کازمی سەرۆکوەزیرانی عێراق بۆ هەرێم و چونی بۆناو شەقامی کورد و سەردانیکردنی خاڵە سنورییەکان، هەروەها رێککەوتن بۆ کۆتاییهێنان بە کێشەکان لەرێگەی دانوستانەوە جۆرێکە لە نامەی دڵنیایی و خاڵی هێزی سەردانەکە.

راشیگەیاندووە، یەکێک لە ئامانجەکانی سەردانەکە کە لەقۆناغی داهاتوودا دەرئەنجامەکەی دەبینرێت بوونی کەمپی ئاوارەکانی ناوخۆی عێراقە کەلەناوخۆی هەرێمدا بڵاوبوونەتەوە و لە ئێستادا جۆرێک لە رێککەوتنی نیمچە کۆتایی هەیە بۆ داخستنیان و گەڕانەوەی ئاوارەکان بۆ ناوچەکانیان.

پەیوەست بە مووچەی فەرمانبەرانیش ئەو پەرلەمانتارە ئەوەی خستوەتەڕوو، مووچەی فەرمانبەرانی کوردستان جۆرێک لە رێککەوتنی کۆتایی لەسەر کراوە و پەیوەست کراوە بەبوونی کۆنتڕۆڵی حکومەتی فیدڕاڵ لەسەر خاڵە سنورییەکانی هەرێم، هاوکات سەرەڕای ئەوەی ناکۆکی زۆری لەسەرە بەڵام دەرچواندنی یاسای نەوت و غاز لەم خولەی پەرلەماندا کارئاسانی دەکات بۆ رێکخستنی پەیوەندییەکانی هەولێر وبەغدا لە پرسی وزەدا.

١٠ی ئەیلول سەرۆک وەزیرانی عێراق سەردانی هەرێمی کوردستانی کرد و لە هەولێر لەگەڵ بەرپرسانی حکومەتی هەرێم لەبارەی کێشە هەڵپەسێردراوەکان و پرسی خاڵە سنورییەکان گفتوگۆیان کرد.

Copyright 2019 BMC TV. All right reserved

Designed and Developed by AVESTA GROUP