ئەندامێکی پەرلەمانی عێراق رایدەگەیەنێت لەگەڵ وەزيرى نەوتى عێراق
باسیان لە نەوتی سپی ماڵان و چەند بابەتێکی گرنگی دیکە کردووە.
رێبوار تەها، ئەندامی پەرلەمانی عێراق لە پەرەی فەرمی خۆی لە فەیسبووک نوسیویەتی" ئەمڕۆ لە
باڵەخانەى ئەنجومەنى نوێنەران وەكو ليژنەى نەوت و وزە ميواندارى ئيحسان
عەبدولجەبار، وەزيرى نەوتى عێراقیان كردوە بەمەبەستى گفتوگۆكردن لەبارەى ديد و
تێڕوانينەكان لەسەر سياسەتى ئێستاى وەزارەتى نەوتى عێراق و چۆنيەتى مامەڵەكردن
لەگەڵ كەيسى نەوت و گاز لەئايندەدا".
ئەوەشی خستۆتەڕوو" سەبارەت بەو پرسيارانەى ڕووبەڕوومان دەكرێتەوە
لەبارەى دابەشكردنى نەوتى سپيەوە ، وەزيرى نەوت ڕايگەياند كە لە سەرەتاى مانگى
داھاتوودا لە كەركوك دەست دەكرێت بەدابەشكردنى نەوتى سپى بەسەر ھاوڵاتيان".
هەروەها بەشێكى ترى كۆبوونەوەكە بۆ گفتوگۆكردن بووە لەسەر ياساى
كۆمپانياى نەوتى نيشتمانى و ناردنى بۆ ئەنجومەنى نوێنەران بەمەبەستى ھەمواركردنى.