سه‌باح هه‌ورامی به‌ڕێوه‌به‌ری گشتی ته‌ندروستی سلێمانی، ئه‌مڕۆ شه‌ممه‌ رایگه‌یاند، له‌ماوه‌ی چوار هه‌فته‌ی رابردوودا ٩١١ توشبووی كۆرۆنا چاكبوونه‌ته‌وه‌، كۆی گشتی چاكبوانیش گه‌یشتوه‌ته‌ حه‌وت هه‌زار و ٢١ كه‌س.

له‌راگه‌یه‌ندراوێكدا سه‌باح هه‌ورامی رایگه‌یاند، له‌ ماوه‌ی چوار هه‌فته‌ی رابردودا ٩١١ كه‌س كه‌ هه‌ڵگری ڤایرۆسی كۆرۆنا بوون چاكبوونه‌ته‌وه‌ و ڤایرۆسه‌كه‌شیان په‌ڕاندووه‌، كۆی گشتی چاكبووانیش له‌ ١٣ی (حوزه‌یران/٥)ی ئه‌مساڵه‌وه‌ تا ئه‌مڕۆ حه‌وت هه‌زار و ٢١ كه‌س چاكبوونه‌ته‌وه‌.

به‌گوێره‌ی دواین ئاماری وه‌زاره‌تی ته‌ندروستی حكومه‌تی هه‌رێم هه‌رێم، كۆی گشتی توشبوانی ڤایرۆسی كۆرۆنا له‌ هه‌رێمی كوردستان گه‌یشتوه‌ته‌ ٤٠ هه‌زار و ٥٥٨ توشبو، له‌نێویاندا هه‌زار و ٤٩٥ مردن هه‌یه‌، ٢٥ هه‌زار و  ٧٩٧ كه‌سیش كه‌ هه‌ڵگری ڤایرۆسه‌كه‌ بوون چاكبوونه‌ته‌وه‌.

بەپێی دواین ئاماری وەزارەتی تەندروستی كۆی گشتی توشبوانی ڤایرۆسی كۆرۆنا له‌هه‌رێمی كوردستان گه‌یشتوه‌ته‌ ٤٠ هه‌زار و ٥٥٨ توشبوو، له‌نێویاندا هه‌زار و ٤٩٥ مردن هه‌یه‌، ٢٥ هه‌زار و  ٧٩٧ كه‌سیش كه‌ هه‌ڵگری ڤایرۆسه‌كه‌ بوون چاكبونه‌ته‌وه‌.