لەدوای رێککەوتنی کۆمپانیای تیک تۆک لەگەڵ کۆمپانیایەکی ئەمریکی، دۆناڵد ترەمپ رایگەیاند، دووبارە رێگە بە کارکردنەوەی دەدەن لەناو وڵاتەکەیان.
رۆژنامەی فرانس پرێس بڵاویکردووەتەوە، کۆمپانیای تیک تۆک رێکەوتنێکی لەگەڵ هەردوو کۆمپانیای ئۆراکڵ و ولمارتی ئەمریکی بەستووە.
ئاشکراشی کردووە، لە دوای رێکەوتنەکە دۆناڵد ترەمپ سەرۆکی ئەمریکا رایگەیاندووە، کێشەکانیان لەگەڵ کۆمپانیاکە چارەسەربووە و ئێستا دەتوانن لە وڵاتەکەیان کار بکەن.
تا ئێستا تیک تۆک یەک ملیۆن بەکارهێنەری لە ویلایەتە یەکگرتووەکانی ئەمریکا هەیە، پێشتر ترەمپ کۆمپانیاکەی بە ئاشکراکردنی زانیاری بەکارهێنەرانی تۆمەتبارکردبوو و کارکردنی لە وڵاتەکەی راگرت.