بەیانی ئەمڕۆ تەقینەوەیەک لە گوندێکی سەر بە قەزای مەخمور روویداو بەهۆیەوە کەسێک گیانی لەدەستدا.
سەرچاوەیەکی ئەمنی لە ناوچەکە رایگەیاندووە، بەیانی ئەمڕۆ لە گوندی رواڵه و گوندی لاکەچەی سەر بە قەزای مەخمور، بۆمبێکی چێنراو بە ئۆتۆمبێلێکی هاوڵاتییەکدا تەقیەوە.
روونیشیکردووەتەوە، لە ئەنجامی تەقینەوەکەدا هاوڵاتییەکە گیانی لەدەستداوە کە بە رەگەز عەرەبە و کاری گاز فرۆشی لە ناوچەکەدا کردووە.