بەڕێوبەرایەتی کەشناسی هەرێم رایدەگەیەنێت لە رۆژی چوارشەممەوە پلەکانی گەرما روو لە دابەزین دەکەن.
بەڕێوبەرایەتی کەشناسی و بومەلەرزەزانی هەرێم لە راگەیەندراوێکدا بڵاویکردووەتەوە، سبەی پلەکانی گەرما تا رادەیەک بەرزدەبنەوە، بەڵام کۆتا رۆژە بۆ بەرزبوونەوەی پلەکانی گەرما.
روونیشیکردووەتەوە، لە رۆژی چوارشەممەوە پلەکانی گەرما روو لە دابەزین دەکەن (٣-٤) پلەی سیلیزی، لە هەفتەی داهاتووشەوە پلەی گەرما بە شێوەی بەرچاو دادەبەزێت کە لە سەنتەری شارەکان ٣٥ پلە تۆماردەکرێت.