بەڕێوەبەرایەتی رەگەزنامە و كاروباری
شارستانی هەولێر ھاووڵاتییان ئاگادار دەكاتەوە بۆ مامەڵەی وەرگێڕانی تۆماری
شارستانی پێویست ناکات سەردانی بەغداد بکەن.
بەڕێوەبەرایەتی رەگەزنامە و كاروباری
شارستانی هەولێر ھاووڵاتییان ئاگادار دەكاتەوە، بە مەبەستی ئاسانكاری و
كەمكردنەوەی رۆتین هۆبەی وەرگێڕانی تۆماری شارستانی (ئەلیكترۆنی و راستی و دروستی/
صورة قيد) دەستبەكاربووە و لەمەودوا ھاووڵاتییان بۆ ئەم مەبەستە ناچنە بەغدا و لە
ھەولێر كارەكانیان رایی دەكرێت.
دەقی راگەیەندراوی بەڕێوەبەرایەتی رەگەزنامەی ھەولێر:
بە مەبەستی كارئاسانی و كەمكردنەوەی رۆتین، هۆبەی وەرگێڕانی تۆماری
شارستانی (ئەلیكترۆنی و راستی و دروستی/ صورة قيد) لە رێكەوتی 16/9/2020
دەستبەكاربووە لە بەڕێوەبەرایەتییەكەمان، بۆیە داوا لە هاووڵاتیان دەكەین بۆ
مامەڵەی وەرگێڕانی تۆماری شارستانی، بۆ ئەو مەبەستە هاووڵاتیان پێشتر پێویست بوو
سەردانی بەغدا بكەن لەئێستادا ئەم مامەڵانە لە بەڕێوەبەرایەتی رەگەزنامە و
كاروباری شارستانی هەولێر دەكرێت بۆ كارئاسانی هاووڵاتیانی خۆشەویست.
ڕاگەیاندن و پەیوەندییەكان
بەڕێوەبەرایەتی گشتی ڕەگەزنامەی هەرێمی كوردستان