ژماره‌یه‌ك په‌رله‌مانتار له‌ فراكسیۆنه‌ جیاوازه‌كان داوا لە سەرۆکایەتی پەرلەمان دەکەن‌ بۆ ئه‌وه‌ی دانیشتنێكی په‌رله‌مان تایبه‌ت بكرێت به‌ دامه‌زراندنی مامۆستایانی وانه‌بێژ و سێ یه‌كه‌می زانكۆ و په‌یمانگاكان.

لە بەیاننامەیەکدا کە وێنەیەکی دەست (BMC)کەوتوو، ژماره‌یه‌ك په‌رله‌مانتار له‌ فراكسیۆنه‌ جیاوازه‌كان واژوویان كۆكردووه‌ته‌وه‌ و ئاڕاستەی سەرۆکایەتی پەرلەمانیان کردووە بۆ ئەوەی دانیشتنی پەرلەمان تایبەت بکرێت بە دامه‌زراندنی مامۆستایانی وانه‌بێژ و سێ یه‌كه‌می زانكۆ و په‌یمانگاكان.

لە بە شێکی دیکەی یاداشتەکەدا ئەوەش هاتووە، "داوا ده‌كه‌ین نەهێشتنی بندیوارو فرە مووچەکان بچێتە بواری جێبەجێکردنەوە".