بەڕێوەبەری کەشناسی و بومەلەرزەزانی سلێمانی سەبارەت بە کۆتایهاتنی
وەرزی هاوین و سەرەتای وەرزی پایز ڕایگەیاند، "لەگەڵ هاتنی وەرزی پایز بەرزی
پلەکانی گەرما کۆتای دێت و سەرەتایەک دەبێت بۆ دەستپێکی وەرزی بارانبارین".
ئاسۆ کەمال بەڕێوەبەری کەشناسی و بومەلەرزەزانی سلێمانی بە (BMC) راگەیاند، "لەگەڵ هاتنی وەرزی پایز
بەرزی پلەکانی گەرما کۆتای دێت و سەرەتایەک دەبێت بۆ دەستپێکی بارانبارین".
ئەوەشی خستەڕوو، "پلەکانی گەرما لە چەند رۆژی داهاتوودا نزم
دەبێتەوە و لەگەڵ هاتنی وەرزی پایزدا گۆڕانی درێژی شەو و ڕۆژیش پێچەوانە دەبێتەوە".
سەبارەت بە سەرەتای وەرزی پایز و ئەگەری ڕوودانی بارانبارین لە هەندێک
ناوچە ئاشکرایکرد، بەرزی پلەکانی گەرما کۆتای دێت و دەستپێکی سەرەتای وەرزی پایز
دەبێت و ئەوەش جار بە جارێک لە ناوچەکانی هەرێم ئەگەری بارانبارین هەیە".
ناوبراو ووتیشی، "پێشبینیەکانی کەش و هەوا زۆر بە خێرای ڕوودەدات
و ئەو پێشبینیانەش کە دەکرێت، بەهۆی خێرای گۆڕانەکانەوە زۆر جار دەگۆڕێن".