نیوەڕۆی ئەمڕۆ چوارشەممە
٢٣/٩/٢٠٢٠ لە شاری سلێمانی، كۆسرەت رەسول عەلی سەرۆكی ئەنجومەنی باڵای سیاسی و بەرژەوەندی
یەكێتی نیشتمانی كوردستان پێشوازیكرد لە شێخ نەهرۆ محەمەد كەسنەزانی رابەری تەریقەتی
قادری و ژمارەیەك لە شێخانی تەریقەتی قادری.
بەپێی راگەیاندراوێکی نوسنینگەی كۆسرەت رەسول، لە میانی پێشوازیكردنەكەدا كۆسرەت رەسول سەرۆكی ئەنجومەنی
باڵای سیاسی و بەرژەوەندی یەكێتی نیشتمانی كوردستان بەخێرهاتنی وەفدی میوانی كردو
كورتەیەكی لەبارەی رۆڵی دیاری شێخانی تەریقەت بەگشتی خستەڕوو و دووپاتی لە گرنگی رۆڵیان
كردەوەو هیوای خواست وەك هەمیشە رۆڵی ئەرێنی بگێڕن لەخزمەتكردنی ئایین و كۆمەڵگا.
سەرۆكی ئەنجومەنی باڵای
سیاسی و بەرژەوەندی كورتەیەكی لەبارەی دۆخی ناوخۆی كوردستان و عێراق خستەڕوو، جەختی
لە گرنگی پێگەی كورد لەناوچەكەو زەڕوڕەتی یەكگرتوویی و یەكگوتاری كورد كردەوەو هیوای
خواست هەموو هەوڵەكان بەئاراستەی چارەسەركردنی كێشەكان بێ.
لای خۆیانەوە شێخ نەهرۆ
محەمەد كەسنەزانی و و شێخانی تەریقەتی قادری سوپاسی پشتیوانی بەردەوامی كۆسرەت رەسوڵیان
كرد.