پێش دەستپێکردنەوەی ساڵی نوێی خوێندن پەروەردەی کفری بایکۆتی هۆڵەکانی خوێندنیان راگەیاند و
دەڵێن، "تا داواکاریەکانمان جێبەجێ نەکرێت دەوام ناکەین".
بەڕێوەبەری ئامادەییەکانی سنوری پەروەردەی کفری پێش دەستپێکردنەوەی ساڵی نوێی خوێندن بایکۆتی هۆڵەکانی خوێندنیان راگەیاند و داواکاریەکانیان
لە وەزارەتی پەروەردە لە چەند خالێکدا کۆکردۆتەوە و داوادەکەن، "پێدانی
مووچەی تەواو بەبێ لێبڕین و دەستکاری کردن هەموو ٣٠ ڕۆژ جارێک دابەش بکرێت، خوێندنی
ئەلیکترۆنی و ئۆنلاین گۆڕانکاری تێدابکرێت".
ئەوەشیان خستووەتەڕوو، "ئەگەر وەڵامی
داواکاریەکانمان نەدرێتەوە ڕۆژی ٢٧ی مانگ کە یەکەم ڕۆژی دەستپێکی ساڵی نوێی خوێندنە
دەیکەین بەسەرەتای بایکۆت و ناڕەزایەتی".
جەختیشیان کردۆتەوە، "تا بەرواری
١٠-١٠-٢٠٢٠ بۆ جێبەجێکردنی داواکاریەکانمان مۆڵەت بە حکومەت دەدەین، لە ئەگەری
وەڵام نەدانەوەی حکومەت بایکۆت بەردەوام دەکەین لەسەرجەم ئامادەییەکانی سنوری
پەروەردەی کفری".