بڕیارە ئەمڕۆ شێخ نەواف ئەحمەد جابر سەباح، وەک میری نوێی کوەیت سوێندی یاسایی بخوات.
میدیاکانی کوەیت بڵاویانکردووەتەوە، ئەنجومەنی وەزیرانی کوەیت داوای کردووە کە شێخ نەواف ئەحمەد جابر سباح وەک میری نوێی کوەیت دیاری بکرێت.
بڕیارە ئەمڕۆ چوارشەممە ٣٠ی ئەیلول شێخ نەواف لەبەردەم ئەنجومەنی گەل سوێندی یاسایی بخوات.
ئەمیرە نوێیەکە، زرڕ برای میری پێشووتری کوەیتە لەساڵی ١٩٣٧ لە کوەیت لەدایکبووە و تا ئێستا چەند پۆستێکی بەرزی وڵاتەکەدا وەرگرتوە.
ئێوارەی دوێنێ دەوڵەتی کوەیت هەواڵی مردنی شێخ سەباح ئەحمەد جابر لە تەمەنی ٩٠ ساڵیدا راگەیاند.