بڕیارە لە کۆبوونەوەی ئەمڕۆی پەرلەمانی کوردستان سەرۆکی حکومەت و جێگرەکەی ئامادەبن.
وەک پێشتر لە بەرنامەی کاری کۆبوونەوەی پەرلەمانی کوردستان راگەیەندرابوو، ئەمڕۆ دووشەممە پێنجی تشرینی یەکەم، مەسرور بارزانی سەرۆکی حکومەتی هەرێمی کوردستان و قوباد تاڵەبانی جێگری سەرۆکی حکومەت و ئاوات شێخ جەناب وەزیری دارایی ئامادەی کۆبوونەوەی پەرلەمانی کوردستان بن.
بڕیارە لە کۆبوونەوەکەدا پرسی دۆخی دارایی هەرێم و ئەنجامی کۆبوونەوەکانی نێوان هەرێم و بەغداد و چەند پرسێکی دیکە تاووتوێ بکرێت.