به‌پێی ماڵپه‌ره‌ جیهانییه‌كانی بواری نه‌وت  ئه‌مڕۆ ٥ی تشرینی یه‌كه‌می ٢٠٢٠ نرخی یه‌ك به‌رمیل نه‌وتی خاوی برێنت به‌ ٣٩ دۆلار و ٩٠ سه‌نته‌ و هه‌روه‌ها نرخی یه‌ك به‌رمیل نه‌وتی خاوی ئه‌مریكی به‌ ٣٧ دۆلار و ٧٠ سه‌نته‌.

له‌ سه‌ره‌تای بڵاوبوونه‌وه‌ی ڤایرۆسی كۆرۆنا و  له‌ مانگی شوباتی ئه‌مساڵه‌وه‌ نرخی نه‌وت له‌ بازاڕه‌كانی جیهاندا  جێگیری به‌ خۆوه‌ نه‌بینیوه‌ هه‌میشه‌ له‌ به‌رز و نزمیدابووه‌ ئه‌وه‌ش به‌هۆی ئه‌و داكشانه‌ی به‌سه‌ر ئابوری جیهاندا هاتووه‌.

له‌ مانگی نیساندا نرخی نه‌وتی خاوی ئه‌مریكی نزیكبوویه‌وه‌ له‌ سفر  وه‌ دواتر وورده‌ وورده‌ به‌رزبووه‌ و له‌ ئێستادا ئه‌و وڵاتانه‌ی پشت به‌ داهاتی نه‌وت ده‌به‌ستن له‌ قه‌یرانی دارایدان.