Alternate Text

زۆرترین بینراو

Alternate Text

باڵیۆزخانەى ئەرمینیا لەبەغدا: جەنگمان لەگەڵ ئازەربایجان پەیوەندى بەئاینەوە نییە

جیهان

پێش 3 هەفتە

Alternate Text

باڵیۆزخانەى ئەرمینیا لە بەغدا رایگەیاند، جەنگى نێوان وڵاتەکەى لەگەڵ ئازەربایجان پەیوەندى بە دەمارگیرى ئاینیى و رەگەزپەرستییەوە نییە، بەڵکو لەپێناو ژیانێکى شکۆمەندانەدا ئەرمەنییەکان بەرگرى لەخۆیان دەکەن.

لەبەیانامەیەکدا باڵیۆزخانەى ئەرمینیا لە بەغدا روونکردنەوەیەکى لەبارەى  جەنگى نێوان ئەو وڵاتە و ئازەربایجان بڵاوکردەوە و رایگەیاند، ئەو جەنگە ئازەربایجان دژى ئەرمەنەکان هەڵیگرساندووە و هیچ پەیوەندى بە ئاین و رەگەز پەرستییەوە نییە.

ئاماژەى بەوەشکردووە، گەلى ئەرمینیا پەیوەندییەکى باشى لەگەڵ جیهانى ئیسلامى و موسوڵماناندا هەیە و هاوسۆزە لەگەڵ موسوڵمانانى جیهان.

باڵیۆزى ئەرمینیا لەبەغدا دەشڵێت، ئەو جەنگەى کە بەهاوکارى سوپاى تورکیا لە دژیان بەرپاکراوە، جەنگى مانەوەى ئەرمەنەکانە و بەرگرییە لە ژیانێکى ئازاد و شکۆمەندانە.

ئەوە لەکاتێکدایە، باڵیۆزخانەى ئازەربایجان لە بەغدا داواى هاوسۆزى جیهانى ئیسلامى و پاڵپشتى وڵاتانى ئیسلامى کردبوو لە جەنگى نێوان وڵاتەکەى لەگەڵ ئەرمینیا.

Copyright 2019 BMC TV. All right reserved

Designed and Developed by AVESTA GROUP