Alternate Text

زۆرترین بینراو

Alternate Text

سزاکانی سەر ئێران قورستر دەکرێن

جیهان

بینراو 25

پێش 2 هەفتە

Alternate Text

ئێلیۆت ئەبرامز، بەرپرسی پەیوەندیەکانی ئەمریکا لەگەڵ ئێران رایگەیاند، هەرگیز سزاکانى سەر ئیران بەم شێوەیەی ئێستا قورس نەبوون و لە چەند هەفتەی داهاتوودا فشارەکان چڕتر دەکەنەوە.

لە چاوپێکەوتنێکدا لەگەڵ تۆڕی هەواڵی (سی ئێن ئێن) ئەبرامز ئاشکرایرکرد، بەردەوامی دەدەن بەو سزایانەی ئەمریکا بەسەر ئێراندا سەپاندوویەتی و لە ماوەی چەند ڕۆژ و هەفتەی داهاتوودا فشارەکان چڕتر دەکەنەوە.

ئەماژەی بەوەشدا، گرنگ نیە دوای هەڵبژاردنەکانی مانگی داهاتوو کێ وەکو سەرۆک هەڵدەبژێردرێت، چونکە ئێران توانای چوار ساڵی تری نیە لەژێر قەیراندا و ناچار دەبێت دانووستان بکات.

وتیشى، سزاکانی پێشوو هاوشێوەی سزا نوێکان نین، بەڵکو سزای زۆر قورستریان لە پێشە.

ئەوەش لە کاتێکدایە، بەهۆى ململانێى سیاسى نێوان تاران و واشتن و  ڕێکنەکەوتن لەسەر بەرنامە ئەتۆمییەکەی ئێران، ماوەی چوار ساڵە ئەمریکا سزای ئابووری بەسەر ئەو وڵاتەدا سەپاندووە و تادێت گرژى و ئاڵۆزییەکانى نێوان ئەو دوو وڵاتە ڕوو لە هەڵکشان دەکات.

Copyright 2019 BMC TV. All right reserved

Designed and Developed by AVESTA GROUP