Alternate Text

زۆرترین بینراو

Alternate Text

حاڵەتەکانی خۆکوشتن لە عێراقدا بە شێوەیەکی بەرچاو زیادیان کردووە

عێراق

پێش 3 هەفتە

Alternate Text

سایتێکی بەریتانی زیادبوونی حاڵەتەکانی خۆکوشتنی لە عێراقدا ئاشکرا کرد  و هۆکارەکەیشی بۆ شکستی سیاسییەکان گەڕاندووەتەوە.

 

لە راپۆرتێکدا سایتی مۆنیتەری بەریتانی بڵاویکردووەتەوە، حاڵەتەکانی خۆکوشتن لە نێو گەنج و هەرزەکارانی عێراقیدا بە شێوەیەکی بەرچاو بەرزبووەتەوە بە بەراورد بە ساڵانی رابردوو.

راپۆرتەکە هۆکارەکانی زیادبوونی حاڵەتەکانی خۆکوشتنی گەڕاندووەتەوە بۆ شکستی سیاسیەکان لەبەڕێوەبردنی وڵاتدا.

ئەمە لە کاتێکدایە ئامارێکی نەتەوە یەکگرتوەکان ئاشکرای کردووە ، لە نێوان مانگی کانوونی دووەم تا کۆتای مانگی ئابی ئەمساڵ ، ٢٩٨ حاڵەتی خۆکوشتن تۆمار کراوە کە بە بەراورد بە ساڵی ٢٠٠٣ رێژەکە زۆر بەرزتر بووەتەوە.

بە پشتبەستن بە ئامارە رەسمیەکانی حکومەت،  مۆنیتەر  ئاشکرای کردووە،  تۆمارەکانی خۆکوشتن لە ساڵی ٢٠٠٣ ، ٣١٩ حاڵەت بوە و لە ساڵی ٢٠١٩ بەرزبۆتەوە بۆ ٥١٩ حاڵەت، ئاماژەشی بەوەشدا کە ژمارەکە زۆر لەوە زیاترە بە هۆی پەردەپۆش کردنی زۆرێک لە رووداوەکانی خۆکوشتن لەلایەن خێزانی قوربانیەکانەوە.

 

 بە پێی ئامارەکانی رێکخراوی یونسێفی سەر بە نەتەوە یەکگرتوەکان،  ٤.٥ ملیۆن عێراقی لەژێر هێڵی هەژاریەوە دەژین کە دەگاتە رێژەی  ١١٪ ی کۆی گشتی دانیشتوان هۆکارەکانیش بۆ ڤایرۆسی کۆرۆنا و قەیرانە یەکلەدوای یەکەکان دەگەڕێننەوە.

Copyright 2019 BMC TV. All right reserved

Designed and Developed by AVESTA GROUP