وەزارەتی تەندروستیی عێراق رایگەیاند، لە ماوەی
٢٤ کاتژمێری رابردوودا، سێ هەزار و ٥٢٢ حاڵەتی نوێی توشبوون بە کۆرۆنا تۆمارکراوە و ٧٩ هاوڵاتیش گیانیان لە دەستداوە.
وەزارەتی تەندروستیی عێراق ئەمڕۆ ٨ی تشیرینى
یەکەم، رایگەیاند، لەماوەی ٢٤ کاتژمێری رابردوودا سێ هەزار و٥٢٢ حاڵەتی نوێی توشبوون بە کۆرۆنا تۆمارکراوە، بە
جۆرێک هەزار و ٤٢٤ حاڵەتیان لە بەغدان.
ڕاشیگەیاندووە، چوار هەزار و ٣١ کەس لە نەخۆشییەکە چاکبوونەتەوە، کە هەزار
و ٣٢٣ کەسیان لە بەغدان.
وەزارەکەتە ئەوەشی خستووەتەڕوو، ٧٩ کەس بە نەخۆشییەکە
گیانیان لەدەستداوە.
بەپێی دوایین ئامارەکان، تا ئێستا ٣٩٤ هەزار و
٥٦٦ کەس لە عێراقدا توشی ڤایرۆسی کۆرۆنا بوون، لەو ژمارەیەش نۆ هەزار و ٦٨٣ کەس گیانیان
لەدەستداوە و ٣٢٣ هەزار و ٨١٥ کەسیش لە نەخۆشییەکە چاکبوونەتەوە.