بەرپرسێکی ئەمنی لە سنوری دهۆک لەلایەن چەند کەسێکەوە دەستڕێژی گولـلەی
لێکراوە و کوژراوە.
میدیاکانی پارتی
بڵاویانکردەوە، ئێوارەی ئەمڕۆ لە گوندی گەلیکێ لە دەڤەری بەرواری باڵای سەر بە ناحیەی
کانی ماسێ لە قەزای ئامێدی تەقە لە بەرێوەبەری ئاسایشی دەروازەی سەرزێرێ کرا و
بەوهۆیەوە گیانی لەدەستداوە.
ئەوەشخراوەتەڕوو "غازی
ئالیخان بەرێوەبەری ئاسایشی دەروازەی سەرزێرێ لەبەردەمی ماڵەکەی خۆیدا تەقەی لێکراوەو
دواتر لە نەخۆشخانە گیانی لەدەستداوە".
دەروازەی سەرزێرێ، دەروازەیەکی
سنورییە لە نێوان ھەرێمی کوردستان و تورکیا و دەکەوێتە سنوری ناحیەی کانی ماسێ سەر
بە قەزای ئامێدی لە باکوری پارێزگای دھۆک.
