وەزارەتى دەرەوەى عێراق رایگەیاند، عێراق بە فەرمى بووەتە ئەندامى بانکى
ئەوروپى بۆ گەشە کردن و ئاوەدانکردنەوە.
لە بەیاننامەیەکدا وەزارەتى دەرەوەى عێراق بڵاویکردەوە، ئەنجومەنى بانکى
نێودەوڵەتى ئەوروپى بۆ گەشە سەندن و ئاوەدانکردنەوە رەزامەندى نیشانداوە بۆ بە
ئەندامبوونى عێراق لەو بانکە نێودەوڵەتییە، ئەوەش ڕۆڵى گرنگى دەبێت لە
ئاوەدانکردنەوەى عێراق و بەهێزکردنى ئابوریییەکەى.
لە بەیاننامەکەى وەزارەتى دەرەوەى عێراقدا هاتووە، هەر یەکە لە وەزیرى
دەرەوە و باڵیۆزى عێراق لە بەریتانیا هەوڵێکى زۆریانداوە بۆ بە ئەندامبوونى عێراق
لەو بانکە، ئاماژە بەوەشکراوە، لەمەودوا عێراق دەتوانێت سود لە خزمەتگوزارییە
بانکى و ژمێریارییە پێشکەوتوەکانى ئەو بانکە ووەربگرێت بۆ شێوازى بەڕێوەبردنى
داهات و خەرجییەکانى دەوڵەت، بەوەش ئابوورى عێراق شەفافتر و بەهێزتر دەبێت.