ئەمڕۆ هەینى، دواى بڵاوبوونەوەى هەواڵى کۆچى دوایى نوسەر و شاعیر مهاباد قەرەداغى، مەسرور بارزانى سەرۆکى حکومەتى هەرێم پرسانەمەیەکى ئاراستەى بنەماڵەو کەس وکارى ئەو نوسەرە کۆچکردووە کرد.

 لە پرسەنامەکەى سەرۆکى حکومەتدا وێڕاى دەربڕینى خەم و ماتەمینى، هاوکات مهاباد قەرەداغى بە نوسەرێکى نیشتیمانپەروەر و بە هەڵوێست ناوبردووە و سەرەخۆشى لە بنەماڵە و دۆستانى کردووە.

دەقى پرسەنامەکەى سەرۆکى حکومەت..

پەیامی سەرەخۆشی سەرۆکی حکوومەتی هەرێمی کوردستان بۆ کۆچی دوایی نووسەر و شاعیر خاتوو مەهاباد قەرەداغی
بە داخێکی زۆرەوە ، هەواڵی کۆچی دوایی نووسەر و شاعیر ، خاتوو (مەهاباد قەرەداغى)م بیست. خاتوو مەهاباد ، ڕۆشنبیرێکی نیشتمانپەروەر و بە هەڵوێست بوو. پرسە و سەرەخۆشی لە بنەماڵە بەڕێزەکەی دەکەم . خوای گەورە گیانی بە بە هەشت شاد بکات و ئارامییش بە کەسوکار و هاوڕێیانی ببەخشێت.
مەسرور بارزانی
سەرۆکی حکوومەتی هەرێمی کوردستان