میدیا نیوخۆییەکانى لوبنان بڵاویانکردەوە، سەرلەبەیانى ئەمڕۆ لە ناوچەى ئەشرەفییەى بەیروت تەقینەوەیەک روویداوە و بەو هۆیەشەوە کەسێک گیانى لەدەستداوە و دووانى دیکەش برینداربوون.

 لەوبارەیەوە، جۆرج کەتانە سکرتێرى گشتى مانگى سورى لوبنانى رایگەیاند، تەقینەوەکە لە یەکێک لە رێستورانتە گەورەکانى ناوچەى سەیدە بووە لە ئەشرەفییەى بەیروت و جگە لە گیانلەدەستدانى کەسێک و برینداربوونى دووانى دیکە، زەرەرو زیانێکى زۆریش بەر بینا و باڵەخانەکانى ئەو ناوچەیە کەوتووە.

ئەم تەقینەوەیەى لوبنان لە کاتێکدایە، دوینێ هەینى بەهۆى تەقینەوەیەکى دیکەى هاوشێوەوە لە ناوچەى تەریق جەدیدەى بەیروت چوار کەس گیانیان لەدەستدا و ژمارەیەکیش برینداربوون.

لاى خۆشیانەوە بەرپرسانى ئەمنى لوبنان رەتیانکردەوە تەقینەوەکانى ئەم چەند رۆژەى بەیروت کردەوەی تیرۆریستى بن، پۆلیسى بەیروتیش لەبارەى تەقینەوەکانى دوێنێ و ئەمڕۆوە دەستى بە لێکۆڵینەوە کردووە.

من مكان وقوع #انفجار قارورة الغاز في الاشرفية ونقل جثة القتيل#بيروت #لبنان@salmanonline @amanie_geha @LarissaAounSky @dargham @BassamAbouZeid @MTVLebanonNews @LBCI_NEWS @ALJADEEDNEWS @janoubia_news @lucienbourjeily @yumnafawaz @DimaSadek pic.twitter.com/S6NDNEKSpb

— H a s s a n O b e i d (@HassanObeid16) October 10, 2020