Alternate Text

زۆرترین بینراو

Alternate Text

خاوەن کێڵگە پەلەوەرییەکان هۆشدارى دەدەنە حکومەت

کوردستان

پێش 1 هەفتە

Alternate Text

کۆمەڵەى کێڵگە پەلەوەرییەکان لە ئەگەرى مایەپوچبوونى کێڵگەکان هۆشدارى دەدەنە حکومەت و رایدەگەیەنن، لە ئێستادا نرخى یەک کیلۆگرام مریشکى زیندوو لە کێڵگەکاندا بۆ ١٨٥٠ دینار دابەزیوە و ئەوەش کەمترە لە بڕى تێچووەکەى.

نازم عەبدوڵڵا جاف ئەندامى کۆمەڵەى کێڵگە پەلەوەرییەکان و خاوەنى کێڵگە رایگەیاند، خاوەن کێڵگەکان زیانێکى زۆریان پێگەیشتووە و مەترسى مایەپوچبوونیان هەیە، وتیشى، لە کێلگەکانى پەلەوەردا نرخى یەک کیلۆگرام مریشکى زیندوو بۆ ١٨٥٠ دینار دابەزیووە، لە کاتێکدا ٢٠٠٠ دینار لەسەر خاوەن کێڵگەکە کەوتووە.

ئاماژەى بەوەشکرد، دابەزینى نرخى مریشک لە کاتێکدایە، سەرجەم تێچووەکان بۆ بەخێوکردنى مریشک گرانتربووە و نرخى یەک تەن عەلەف بۆ ٣٠ دۆلار بەرز بووەتەوە.

ئەو خاوەن کێڵگەیە داوا لە حکومەت دەکات، لە پێناو پەکنەکەوتنى ئەو کەرتە ئابوورییە گرنگە، حکومەت خۆى هەستێت بە کڕینى مریشکەکان، چونکە ئەو کێڵگانە رۆڵێکى گرنگیان لە دابینکردنى هەلى کاردا هەیە بۆ سەدان کەس لە هەرێمى کوردستان.

Copyright 2019 BMC TV. All right reserved

Designed and Developed by AVESTA GROUP