لەگەڵ نزیکبوونەوەی وەرزی زستاندا، زۆرێک لە خەڵکی شەربەتی زەنجەفیل بە گەرمی دەخۆن، چونکە زۆر سودی گرنگی بۆ جەستە هەیە.

ماڵپەڕی بۆڵد سکای ،تیشک دەخاتە سەر سوود و گرنگییە تەندروستییەکانی خواردنی زەنجەفیل و ئاماژە دەدات بە خواردنی لە زستاندا.

گرنگترین سودەکانی خواردنی زەنجەفیل بریتین لە:
یارمەتی باشترکردنی سوڕی خوێن دەدات و ماددە ژەهراویەکان لە جەستە دەردەکات.
یارمەتیدەرە بۆ هێواش کردنەوەی کێشەکانی گەدە، ئەویش بەهۆی ئەوەی دەوڵەمەندە بە فایبەر و پێکهاتەی کیمیای سروشتی.
بە سوودە بۆ تەندروستی دڵ و خوێنبەرەکان، پارێزگاری دەکات لە نەخۆشیەکانی دڵ.
خواردنی زەنجەفیل یارمەتیدەرە لە پاراستنی جەستە لە شێرپەنجەی گەدە، خوێن، پەنکریاس ، جگەر، قۆڵۆن و مەمک، ئەویش بەهۆی ئەوەی دەوڵەمەندە بە پێکهاتەی فلافۆنۆید، کە گرنگییەکی بەهێزی هەیە.
یارمەتیدەرە بۆ گەورە بوونی رێچکە هەواییەکان.
رێژەی کۆلیسترۆڵ و چەوری کەم دەکاتەوە.
بۆ نەخۆشی رۆماتیزم زۆر بەسوودە چونکە ئاوسانی جومگەکان کەم دەکاتەوە.
بەهۆی ئەوەی دەوڵەمەندە بە ڤیتامین سی، دەتوانرێت بۆ چارەسەرکردنی پێست بەکاربێت، وەکو نەخۆشییەکانی ئەکزیما و وشک بوونەوەی پێست، بەهەمان شێوە بۆ خورانی پێست بەسوودە.